做對防曬，皮膚比80%人好？
講韓國人比任何國家嘅人更注重防曬絕對唔係我誇張，無論男女老幼都會防曬，呢個係點解呢？唔係唔驚曬黑就唔使做防曬咩？Nonono～你咁諗就錯哂啦。
皮膚長年累月暴露係陽光下，會令到皮膚過早老化，如果唔注重防曬的話甚至會誘發光敏性皮膚病，嚴重影響皮膚健康。
陽光中的紫外線
陽光入面除咗紫外線之外，仲有紅外線會對我哋嘅皮膚造成傷害。紫外線會造成色素沉澱，令到膚色不均，有色斑出現，紅外線就會造成皮膚大量水分流失，令到皮膚變得乾燥。皮膚長時間未有足夠保護措施下受到陽光照射亦都會破壞皮膚屏障及造成皮下膠原纖維破裂，令到皮膚變到容易敏感泛紅同埋會有皺紋出現。而且，如果長時間唔做防曬，患上皮膚癌嘅機率會比有長期做防曬嘅人高出80%。
防曬誤區
好多人會諗，咁我唔係長時間係户外工作逗留、冬天出面又冇太陽，咁我係咪唔使搽防曬？其實唔係㗎，就算係陰天冇太陽，紫外線嘅強度仍然可以達到晴天嘅70%左右，只要指外線高過3就必須要搽防曬，如果需要長時間留係户外地方，就要每兩個鐘補搽一次防曬，等防曬嘅效果可以維持。而我哋搽防曬嘅份量都必須要足夠，每次都要搽大約兩隻手指長度嘅防曬先會有足夠嘅防曬力，而女士們係需要化妝嘅時候亦都要注意，搽完防曬後10-15分鐘後等防曬徹底成膜之後先開如後續嘅化妝步驟，如果唔係都一樣會影響到防曬嘅效果㗎。亦都會有人問，咁我帶帽或者用遮呢啲物理防曬嚟擋太陽得唔得呀？其實只用物理性嘅防曬係唔足夠我哋去阻擋紫外線及紅外線，遮同帽只可以將光線反射走，而陽光入面嘅紫外線同紅外線穿透力好強，如果佩戴嘅服飾或者遮冇防紫外線功能嘅話都係無法有效去阻擋。
根據香港防癌協會嘅數據顯示，80%嘅皮膚癌係可以透過防曬措施預防，只要日常做足防曬就可以減低80%患癌嘅風險，以往一直以為UVB係引致皮膚癌嘅原兇，但近年醫學界發現UVA對皮膚造成嘅傷害其實唔低過UVB；陽光有超過98%嘅紫外線都係嚟自UVA，UVA因為波長較長，比UVB更能深入我哋嘅真皮層及皮下組織，對皮膚造成嘅傷害更大，所以我哋選購防曬嘅時候除咗要留意SPF數值（阻擋紫外線B）之外，PA數值（阻擋紫外線A）亦都係非常重要的。
正確防曬步驟
如何選擇合適防曬品
有人又會問，而家市面上咁多防曬，要點樣先揀到一款啱心水又有效嘅防曬呢？呢個問題就等我哋嚟幫你解决啦。
防曬主要分為三大類，分別係物理防曬、化學防曬同埋混合性防曬。
物理防曬嘅成分比較溫和，刺激性低，適合乾性，敏感性皮膚或者處於孕期、哺乳期嘅人使用。物理防曬嘅原理係透過係皮膚影成一層膜去反射、分散紫外線，對皮膚造成嘅負擔會比化學防曬低，但同時亦會帶嚟厚重嘅質地同埋有機會泛白嘅情況。
而化學防曬係透過吸收紫外線去達到防曬嘅效果，質地會比物理防曬輕盈，膚感輕薄，但同時間佢刺激性比較高，持久力亦到冇物理防曬長，會適合油性皮膚或追求輕薄質地嘅人。
而混合性防曬就係結合咗物理性防曬同化學防曬兩者嘅優點，係膚感上同防曬效果都有所提升，做到溫和唔刺激，清爽唔油膩嘅全方位防曬。
會有人好奇，我淨係搽咗防曬，咁我需唔需要卸妝？如果你搽緊嘅係物理性防曬或者係具有防水功能嘅防曬就需要用卸妝產品㗎啦。化學防曬同具防水功能嘅成分無辦法單靠洗面奶嘅活性成分去除，如果唔用卸妝會導致佢哋一直殘留係皮膚上，長時間會造成堆積，堵塞毛孔從而引致黑色素生成，導致膚色不均，仲會造成閉口同痘痘問題。而家市面上有唔少防曬都係物化結合，所以係唔確定自己使用嘅防曬係邊種類型嘅時候都建議使用卸妝產品，並且定期做深層清潔。
防曬產品VS比較
下面係我哋整合出嚟方便大家嘅防曬懶人包：
痘痘肌：適合質地清爽、有控油成分嘅防曬
推薦： Corthe Ultra Sun Block
Corthe UV Perfect Sun Shield
Histolab SunBlock Forever Plus
敏感肌：適合使用物理防曬或專為敏感肌而設嘅混合性防曬
推薦： Corthe Sun Rescue Cream
Corthe Ultra Sun Block
Histolab SunBlock Forever Plus
Histolab SunBlock 365 Plus
混合性偏油、油性肌：建議選擇質地清爽的化學防曬
推薦： Corthe Sun Rescue Cream
Corthe Ultra Sun Block
Corthe UV Perfect Sun Shield
中性肌：建議選擇混合性防曬
推薦： Corthe UV Perfect Sun Shield
Corthe Ultra Sun Block
Histolab SunBlock Forever Plus
混合性偏乾、乾性肌：建議選擇有保濕成分的混合性防曬
推薦： Corthe Sun Rescue Cream
Corthe UV Perfect Sun Shield
Histolab SunBlock Forever Plus
Histolab SunBlock 365 Plus
防曬產品推薦
韓國醫學專用品牌防曬產品喺ARUM有售！現正推出Pay 1 Get 2優惠，有興趣歡迎向我哋查詢。
以上資料嚟自醫生以及我哋多年嚟嘅經驗，未來亦都會持續更新唔同嘅文章專題，希望睇完會對你有幫助。
店內環境
如有任何疑問，歡迎隨時聯絡我們的皮膚管理師查詢！
